المصرى هو اللى بيفهم فى الطب ويشخص المرض ويوصفلك الدوا
وبيفهم فى النقاشه والكهربا وتصليح العربيات والطبيخ والسياسة
والكورة وهو ابيض ياورد
وهو اللى بيحط الريموت كونترول فى كيس بلاستيك ويقف يتكلم
على الباب نص ساعة بعد الزيارة ويجى بعد معاده بساعتين ويفتكر ان دا عادى
,لسه عنده اصرار انه يتكلم بصوت عالى فى التليفون لما تكون المكالمة دوليه عشان التانى يسمعه
بيحتفظ باكياس محلات اللبس والاحذية وورق الهديا تحت مرتبة السرير لسنوات وما يستخدمهاش
بيفرش ملاية سرير على طقم الانتريه عشان يفضل نضيف لما يجى ضيوف وما بيشلهاش لما بيجوا
بيعتبر نفسه افضل واحد فى الشرا والفصال وبعد كده يكتشف ان الحاجه فى المحل اللى جنبه ارخص من غير فصال
عنده صينية مكسرات متقسمة لتلات او ارباع اقسام لزوم المزاج وعمره ما استخدمها
وهو اللى بيكون عنده شواية لزوم الرحلات اقصى استخدام لها كان مرة واحدة فى العيد
بيشيل طابع البريد من على الظرف لو الختم ماكانش عليه
بيفكر ان اى حد بيشتغل فى الخليج بيغرف فلوس من غير حساب
بيكون مشغول بقيمة التيبس او البقشيش طول العشا ياترى ربع جنيه ولا نص جنيه
وبرده بيتخانق ساعة دفع الحساب بحرارة شديدة على انه هو اللى لازم يدفع .
*******************************************************
:flower: :flower: :flower: :flower: :flower: :flower: :flower: :flower: :flower: