حكايتى مع المخبز قصه

حكمت عليا الدنيا بانى اتجوز سهام
بس الحقيقه هى من البداية غلطتى
انا معرفش هيا غلطة ولا ايه
انا هحكلكم وانتم تحكموا
فيوم من ذوات الايام
طلبوا منى ع الغدى انزل اجيب عيش
لان مكنش فيه عيش
لبست هدومى
ونزلت ادور على عيش
رحت المخبز
ولقيت بنت امورة وقفا مش عارفه تجيب
حقيقه كانت حلوة اوى
واتخطف قلبى ليها
طبعا عملت نفسى البطل
وخدت منها الفلوس ودخلت فى الزحمه
ويرتنى ما دخلت
لقيت واحد بصلى بصه غريبه اوى
وراح قالع
متخفوش مقلعش غير شبشبه
ودب .. !!
خت علقه ميعلم بيها الا ربنا
المهم
مجبتش عيش
لا ليا ولا لغيرى
كل الى قدرت اقوله للبت ووشى فى الارض من الكسوف : انا اسف .
بصت البت ليا وهيا عايزة تضحك
وقالت : انا الى اسفه .. معلش .. ربنا هينتقم منه .
صوتها كان ناعم وجميل
لكن كان ورا الصوت دا شئ تانى خالص
المهم لما نوصل للحته دى ابقى اعرفكم
المهم رجعت البيت وانا عايز اعيط من الى شوفته
مش عشان البت
عشان معنتش شايف
رجعت البيت
فتحت امى .. وبصتلى وانا متبهدل كدا
قلت هصعب عليها
لكن امى غير كدا خالص
قالتلى بغضب : جبت عيش ؟
قلت : لآة !
قالت : روح دور تانى .
ورزعت الباب فوشى
نزلت الشارع
طب اعمل ايه ؟
اروح وانا متبهدل كدا
روحت لصحبى فى الشارع الى جمبنا
وغيرت هدومى
بهدومه طبعا
وخرجت
روحت المخبز التانى
لقيت البت
قلت ابعد وبلاش سوبر مان والغرور دا
لكن البت عينها عين صقر
لقيتها نادتنى من بعيد : يا استاذ .. انا معايا عيش .. ممكن تاخد منى !
قلت اعمل نفسى مشوفتهاش
نادت تانى .. وتلات .. ورابع
لحد ما جتلى وقالتلى : شكلك مش سامع .
طبعا قلت عشان محرجهاش : ايوة .. فى حاجه ؟
قالتلى : انا معايا عيش .. ممكن تاخد منى !
اشتريت من معاها عيش
وقالتها : شكرا اوى .
بصتلى بحراج وقالت : ولا يهمك ..
رجعت البيت وانا معايا العيش
وطبعا عملت الحكايه دى .. بتاعة العشاق
سهرت اليالى .. وعديت النجوم .. وعملت نفسى مش عارف انام
المهم
صحيت الصبح
وقررت انى اروح ادور على البت دى
واعلن عن حبى ليها
روحت يجى فى ستين الف فرن
واخيرا لقيتها
خدتها على جمب
واخيرا قلت : انا بحبك !!
ويا رتنى مقلت

استنونا