حسن رجب
المدير العام
تاريخ التسجيل : 12/03/2010
 | | موضوع: عجايب يا دنيا عجيبة الأربعاء مارس 17, 2010 12:29 am | |
| عجايب يا دنيا عجيبة الفتها منذ عدة سنوات وهى عبارة عن زجل وكان بسبب أخبار عن ضريبة يدفعها من يتزوج وعن قانون الخلع وهى مجموعة من الأبيات مقسمةالى 6 أجزاء كل جزء 6 أبيات و الجزء الأخير 4 أبيات تم زيادة جزء من 6 أبيات وبالتالى تكون 7 أجزاء و اليكم كاملة
عجايب يا دنيا عجيبة
عجايب يا دنيا عجيبة
و أحوالك يا دنيا غريبة
قالوا اللى عايز يتجوز
يدفع لجوازه ضريبة
وأسمع بقى وشوف ويايا
اللى جاى هوة المصيبة
كان زمان وياما كان
الراجل يختار له حبيبه
يتجوز أثنين وثلاثة
وكلمة طلاق من بقة قريبة
شوفوا اللى حاصل واللى بيحصل
ما يحصلش الا فى ذريبة
عجايب يا دنيا عجيبة
الست بتنقى الراجل
لو عجبها بتطلعه
لمستواها و مستواه
لو كان واطى بترفعه
وان مشى معاها كويس
كل يوم تدلعه
أما لو كان مش كويس
متطلقوش لا تخلعه
و الشقة من حق الزوجة
دة قانون وبكرة يطلعوا
الست تتجوز خمسة
وكأنه برشام تبلعه
عجايب يا دنيا عجيبة
ايه رأيكم فى كلامنا دة
كل دة يا ناس شوية
الست لو خلعت راجل
الدم لازم يبقى مية
الست تبقى هية الراجل
و الراجل يبقى هوة الولية
الراجل يبقى هوة الضعيف
و الست تبقى هية القوية
و فى عيد الأم الأولاد
يجيبوا لأبوهم هدية
اللى تفكر تعمل دة
تبقى أكيد مفترية
عجايب يا دنيا عجيبة
ايه رأيكم فى كلامنا دة
بقى دة يا ناس أسمه كلام
الست تبقى هية الراجل
والراجل يبقى هوة المدام
الراجل يغسل ويطبخ
والست تنزل وسط الزحام
تشتغل وتجيب فلوس
والراجل يديها التمام
آكل ولاده وغسل هدومهم
لم الغسيل سوى الطعام
فين الكتاب فين النبى
بقى هية دية سنن الأسلام
عجايب يا دنيا عجيبة
وبكرة يطلعوا يا ناس
كلام جديد مالوش أساس
وكله فى مصلحة الزوجة
أما الزوج بقى ينداس
كان زمان يذبح قطة
علشان تخاف وتبوس الرأس
دلوقتى لو يزعلها
تجيبله سكاكين وأكياس
ولو سألها حد عليه
تقول دة كان راجل هلاس
ساب زوجته وساب عياله
وهجرنا وساب بيته خلاص
عجايب يا دنيا عجيبة
فى زمنه ده وعلى العموم
الراجل هوة المظلوم
والست هية الظالمة
والحق دايما مكتوم
والقانون دايما يخدمها
والراجل هوة المهضوم
لو نفسها تأكل سمك
و السمك فى السوق معدوم
تنزل جوزها المحيط
وتخليه يغطس ويعوم
ولو مطلعش السمك
تخلى نهاره كله غيوم
عجايب يا دنيا عجيبة
وأيه أخرتها يا رجالة
هنفضل على كدة ساكتين
لو سكتنا على الستات
هنخلص أحنا يا مساكين
السموم والرصاص
والمشانق والسكاكين
للأسف أيدينا فاضية
والستات مسلحين
ومعذرة فقد قولت لكم أنها أيضا كانت بسبب قانون الخلع فأرجو ألا تغضب النساء فهو زجل ليس الا | |
|
