ييين الكسبااان ... إنت ولا الشيطاان ؟؟؟
السلام عليكم ورحمة الله وبركاته
أنا حابة اتكلم معاكم شوية يا صحبة الخير .. جاية شايفة مشكلة ونفسي نحلها ... نفسي نحط ايدينا في ايد بعض عشان نحارب عدونا ... عدونا خطر قوي علينا الايام دي
في حاجة ملاحظها الفترة دي فيا وفي ناس كتيير حواليا
كلنا كلنا بلا استنثناء كده الايام دي حاسين بزهق .. حاسين باكتئاب ... حاسين بخنقة ... كل هموم الدنيا بقت فوق دماغنا ... كل واحد مع نفسه حاسس إنه في كرب .. حاسس إنه في ابتلاء ... بس لو جينا بصينا في الحقيقة ولا في ابتلااء ولا في أي حاجة
طب إيه اللي احنا حسينه ده ؟
إيه الخانقة الرهيبة اللي جوانا ؟
إيه الدموع اللي مالية عيونّا ؟
إيه الحزن اللي مالي قلوبنا ؟
ياترى من إيه كل ده ؟؟؟؟؟؟؟؟
في حاجة افتكرتها سمعتها من فترة طويلة اوي وخلتني اركز شوية وقلت لازم الحق نفسي والحائكم معايا يا اخواتي واخواني ...
الشياطيين كلها بتتسلسل في رمضان زي مااحنا عرفين .... طب ماشي إيه الجديد بقى ؟
الجديد بقى اللي مش اخدين بالنا منه إن الشيطان آه مش بيكون موجود في رمضان لكن تفتكر حيسيبك تدخل رمضان عادي كده وتتهنى به ؟
أكيد لأ
الشيطان الايام دي بيعمل اقصى مجهود عنده وبيطلع كل طاقته عشان يعملك مشكلة يدخلك بيها رمضان وإنت تفضل طوول رمضان شغل وقتك وتفكيرك بالمشكلة دي
تلاقي نفسك مثلا تتخانق كل شوية مع حد
يفكرك بـحد كان مزعلك من فترة طويلة
يجيلك يفكرك بواحد كان بيكلمك زمان
يجيلك يفكرك ببنت بعدت عنها من فترة
بيعمل بقى حاجات كتيييييير اويي كده ...
كل ده ليه ؟
كل ده عشان فاكر اننا ممكن يضحك علينا وممكن إنه ينجح في خطته اللي عملها عشان يوقعنا ...
لكن احنا حنسكتله ؟؟؟؟؟
الشيطان يعمل خطة ويمشي عليها وينجح كمان فيها واحنا لأ ؟؟؟؟؟//
لا لا لا لااااااااااا ... احنا أقوى من كده
ده احنا أمة محمد صلى الله عليه وسلم
احنا كمان عندنا خطة وماشيين عليها
وهدف وكلنا رايحينله
ده احنا هدفنا الجنة والعتق في أول يوم
ولا حد عنده هدف تاني ؟؟
بالله عليك وبالله عليكي متستسلمش لشيطانك
متخليش شيطانك يقوى عليك
لو حسييت باي حاجة مهما كانت بسيطة استعيذ بالله ... لو خرب عليك حاجة اجري صلحها ... لو خلاك تزعل حد اجري صالحه .. اوعى تستنى واوعى تقول مش أنا اللي غلطان واوعى تقول كرامتي
اللي في ايده حاجة يقدر يبعد بيها شيطانه يجري يعملها ... اوعى يجيلك دلوقتي يقولك إنت مالك بالكلام ده إنت أصلا زي الفل وكويس ومش محتاج تعمل حاجة وإنك ماشي تمام ... خلي بالك الله يكرمك
بالراحة كده نشوف نفسنا . نحاسب نفسنا .. نخلي بالنا قوي على نفسنا الاسبوع اللي فاضل ده
لو حاربناه كويس اوي بس الاسبوع ده يبقى حنفوز برمضان واهنئكم بالعتق من الآن ...
بالله عليكم هو أسبوع هو بيبذل اقصى جهد عشان يوقعنا واحنا كمان حنبذل جهد أكتر منه عشان نثبت وإن شاء الله احنا اللي فايزين لانناا معانا الحق ... احنا مع الله ... كن مع الله ولا تخف .. ان الله معنا ...
يلا نشوفه في الصورة ونقوله احنا اللي حنكسب وإنت اطلع بره اللعبة ...
كن لله كما يريد يكن لك فوق ماتريد ... يلا ارو الله من انفسكم خيرا
آسفة جدا إني طولت عليكم لكن من خوفي علينا قبل ان يفوت الاواان
جزاكم الله خيرا كثرا ... ربنا يبلغنا رمضان ويجعلنا من المعتوقين ياارب اللهم اميين ....
يلا نلحق بعض وننشر على اد مانقدر عشان احنا الاقوى .. احنا اللي حنكسب ... دي مباراه عمرنا كل
