أكيد كل واحد فينا بيمر بلحظات حلوة فى حياتة :17f0f3b0: ، حلوة لدرجة إنة بيحس إنة أسعد إنسان فى الدنيا و بيبقى مش عاوز الحاجة دى تخلص أبدآ .
عشان ما أطولش عليكو ممكن نركز اللحظات دى فى 10 نقط مثلآ ، وكل واحد فينا يدخل ويحكى لنا على أجمل 10 حاجات فى حياتة عشان نعيشها معاة ...
إية رأيكوا أبدأ أنا ...
أنا شايفة إن أجمل 10 حاجات فى الدنيا :098eb4a5: هى إنك :
1 – تحب .
2 – تضحك لدرجة إن عنيك تدمع من كتر الضحك . :4412144b:
3 – تدخل السرير فى عز البرد وتنام فى الدفا على صوت المطر .
4 – تصحى الصبح بدرى عشان تروح الشغل ، تبص فى الساعة تلاقى إن لسة قدامك ساعة تنام فيها .
5 – تحلم حلم جميل . :b210e58c:
6 – تقعد تحكى وتتكلم من قلبك مع حد بترتاح لة .
7 – تشوف الفرحة فى عيون صاحبك أو حبيبك لما تجيب لة الهدية ا للى كان عايزها من زمان .
8 - تسمع أول كلمة حب فى حياتك .
9 - – تقعد ع البحر وقت ا لغروب .
10 – تصحى من النوم كل يوم الصبح ، تبتسم ، وتشكر ربنا على يوم تانى جميل هتعيشة .
مستنية أعرف ردكوا وأحلى حاجة فى حياتكوا....:5fc0f220:
